做媽媽每日都經歷好多兩難題，有時聽落好似好簡單嘅抉擇，但對媽媽嚟講，都係一場無比掙扎嘅內心交戰！

相信每個媽媽都試過呢個情況︰「明明餵好奶，換好尿片，體溫又正常，但 BB 都依然不停喊……四大長老或者工人姐姐可能會選擇畀奶嘴 BB。但你就好擔心 BB 一開始咗食奶嘴，就會開始依賴，以後一喊嘅時候，唔畀奶嘴就收唔到聲。」

「究竟 BB 喊，應唔應該畀個奶嘴 BB？」呢個「奶嘴兩難題」的確為難咗唔少媽媽。到底有咩更好嘅方法，既可以喺需要嘅時候安撫 BB，但又唔會令 BB 養成對奶嘴嘅依賴呢？

BB 都會 Panic，所以要食奶嘴？

初生 BB 迎接陌生嘅世界，對身邊嘅事物都非常敏感。任何周邊環境嘅改變，都可能令 BB 覺得唔舒適，令佢哋覺得不安。但係 BB 又未識講嘢，所以只能夠用扭計嚟表達佢哋嘅情緒。

呢個時候，一個奶嘴就可以幫到爸爸媽媽安撫 BB，因為吸吮動作會令身體產生一種叫膽囊收縮素 (Cholecystokinin，CCK) 嘅荷爾蒙，為 BB 帶嚟飽足、放鬆、昏昏欲睡嘅感覺，有效平伏 BB 煩躁焦慮嘅心情，分散因不安帶嚟嘅各種負面情緒。

除此之外，BB 吸吮奶嘴仲可以訓練「吸吮、吞咽、呼吸」三重步驟嘅協調，促進口腔嘅健康發展，仲可以預防 BB 養成「吮手指」嘅壞習慣。

BB 會唔會產生依賴呢？

雖然畀奶嘴有好處，但仍然有好多媽媽好掙扎……

可能驚四大長老、陪月姨姨或者工人姐姐之後會隨手就將安撫奶嘴塞畀 BB，而冇去搞清楚 BB 為咗咩而扭計，最後 BB 就養成一種「冇奶嘴、唔收聲」嘅習慣。

再加上用「傳統奶嘴」時，一般都會買條「奶嘴繩」掛喺身或者 BB 車上，方便使用。當 BB 成日見住個奶嘴，自然就會對奶嘴心掛掛，久而久之亦都可能會對奶嘴產生依賴，以後就更難戒。

但其實只要識得揀，一啲經特別設計嘅奶嘴就能夠釋除各位媽媽嘅困惑，安撫到 BB 不安嘅情緒，同時亦唔會令 BB 過分依賴。

Philips Avent Ultra Series 安撫奶嘴︰「免依賴」 使用新習慣！ 

擁有超過 30 年嬰兒餵哺臨床經驗嘅 Philips Avent 明白媽媽嘅苦惱，以切合媽媽同 BB 嘅真正需要為前題，設計出全新「Ultra」系列奶嘴，特別改用收納盒，而非奶嘴蓋。奶嘴只會喺 BB 因情緒不穩時拎出嚟使用，當 BB 情緒穩定咗，唔再需要吮奶嘴嘅時候，媽媽可以將安撫奶嘴放返入盒，然後放喺 BB 視線範圍以外！當奶嘴唔再無時無刻出現喺 BB 視線範圍，就可以減少 BB 長期心掛掛想吮食嘅情況發生，長遠可以協助媽媽或者照顧者同 BB 一齊建立使用奶嘴嘅新習慣：需要時先食，需要時先畀。而且收納盒尺寸適中，放入媽媽袋入面都唔難搵，又可浸水沖洗，方便清潔。

窩心設計，從心出發

除咗用心為你同 BB 建立良好嘅奶嘴使用習慣之外，Philips Avent「Ultra Series」喺奶嘴設計上，亦同時兼具 3 大優點︰

第一、奶嘴特設 4 個加大透氣孔，令擋板同奶嘴之間有更好嘅空氣流動，BB 吸吮時仍然可以透氣舒適，保持皮膚乾爽。

第二、奶嘴採用不含雙酚 A (BPA) 及有安全認證物料，配上輕巧、圓滑邊緣嘅擋板設計，為 BB 帶嚟「零感」舒適度。

第三、採用絲質紋理，可以摺疊並且外型對稱嘅矽膠奶嘴，全面配合 BB 上腭、牙齒同牙床嘅發育。

「Ultra」系列有唔同尺寸同顏色設計，切合寶寶不同階段嘅需要。亦有夜光款式，方便夜晚使用，而且 BB 見到暗淡夜光亦可能更容易入睡。

了解BB＋管理情緒

要避免 BB 對奶嘴過分依賴，除咗要改變奶嘴嘅使用習慣，Philips Avent 更希望協助爸媽去了解 BB 情緒起伏嘅真正原因。

其實媽媽可以喺 BB 嘅日常生活中，觀察佢哋嘅神情、動態同表徵，閱讀 BB 唔同情緒，慢慢分辨 BB 係因為肚仔餓、唔舒服、情緒不安定係其他原因而扭計。除咗可以增進媽媽同 BB 嘅感情，仲可以畀 BB 嘗試學習管理同適應自己各種不安嘅情緒，有助日後面對唔同成長階段所出現嘅各種狀況。

「Ultra Series」致力為各位爸爸媽媽解決「究竟 BB 喊，應唔應該畀個奶嘴 BB？」嘅兩難局面，借助用心嘅設計，幫爸媽或者照顧者同 BB 建立新嘅奶嘴使用習慣，同時鼓勵各位爸爸媽媽多啲用心觀察同了解 BB 嘅情緒變化，建立更親密嘅親子關係！

了解更多：http://bit.ly/3c7fRJH

一圖睇清：傳統奶嘴同 Philips Avent Ultra Series 嘅分別