多謝 SONY Action Cam 及 親子平台 Champimom 的邀請，出席 BALANCE BIKE ADVENTURES 挑戰平衡車的活動，同好多個家庭一齊用 Sony FDR-X3000R 4K光學防震Action Cam 嚟捕捉小朋友最真的一面。

文章&影片：呀劍

我自己平時用開單反去影小朋友，或者用電話拍片就算，好少用到Action Cam，今次嘗試利用 Sony FDR-X3000R，真係令我即刻想入番一部。

今次聯同 Strider Bikes 一齊舉行呢個活動，小朋友可以一邊玩，家長就一邊體驗 SONY Action Cam 的厲害。一早嚟到已經有多個小朋友喺度。呢部 SONY FDR-X3000R，大家利用佢嚟捕捉小朋友角度。多架平衡車已經放咗喺度，大家都想即刻快D落場踩番兩轉。其實活動前幾個星期，我已經開始試用呢部 Action Cam，等我介紹一下啦！

Sony FDR-X3000R 4K光學防震Action Cam，有名你叫，即係可以拍到4K啦！另外佢配備 Balanced Optical SteadyShot™平衡光學防震功能，喺4K模式下都可以拍到穩定清晰嘅畫面 。

仲有另一賣點，佢係用 Zeiss Tessar 鏡頭，提升光學質素，減少變形。除咗個 Action Cam 仲有附送 Live View Remote，可以實時預覽畫面，同埋可以遙控相機。

防水濺機身設計，適合任何環境使用 (如果用埋防水殼仲可以防水高達60米，跟機有埋架！)戴埋頭盔準備開始！Action Cam 裝喺哥哥頭盔上面，想睇吓咩效果，就一定要睇埋我拍條片啦！一班小朋友準備好哂隨時要出動啦！小朋友都玩得好開心。爸爸媽媽們都睇住Remote上的屏幕，可以離遠睇見小朋友的情況，而且又可以睇住小朋友第一身視點的畫面。 然後我再將 Action Cam 夾在單車柄上，可以用另外一個角度拍攝哥哥，而且夾得非常穩陣。仲有個平衡車比賽，一陣就會有冠亞季出爐，我哋就當係小小打咭位同小朋友影相，哈哈～！不如大家都試吓入番支 SONY Action Cam 記錄小朋友最珍貴的一刻。而且仲可以簡單地用App內的 Highlight Movie Maker, 選取幾段你最鍾意的短片，個App會自動幫你剪埋片，可以方便快捷地將精彩片段上載至社交平台。

呀劍評分: 10分

呀劍評語: 加埋今日正式在平衡車比賽試用 Sony FDR-X3000R 4K光學防震Action Cam，依家真係想入番一部，將來就可以用嚟拍呀仔呀女！甚至連佢哋自己都好鍾意拎住嚟拍嘢，以後就可以同埋我一齊嚟真正嘅親子攝影啦！

#NESA #Sony #actioncam

(以上資料更新至文章當日)