母親節是為感謝母親而慶祝的節日，但媽媽的辛勞能否得到回報？Champimom母親節專題最後一位受訪者是人稱Son姐的資深獵頭人張慧敏（Alison）。

張慧敏身材高大，嗓門響亮，極具霸氣，伶牙利嘴道盡職場百態，言詞辛辣盡撃「怪獸家長」。敢言作風令張慧敏冠上「辣媽CEO」名號，但這位母親何嘗沒有為人母者的辛酸。

張慧敏與丈夫育有一子一女，女兒大T今年23歲，而兒子小T為18歲。張慧敏從不要求孩子讀書考試名列前茅，只希望他們學懂自立，所以小T小時候跌倒時，她看到也不扶起他，「真係要同自己講，你扶得佢幾耐……你扶佢，你繼續肉赤呀，無問題㗎！你make sure你唔好早死過佢喎。」「佢第日出到嚟社會，除咗我之外，仲有邊個會盲目縱容同包容佢呀。」

張慧敏從不要求子女讀書考試名列前茅，只希望他們學懂自立。

殘酷職場煉成育兒之道

張慧敏承認殘酷的職場，煉成她的育兒之道，母親不能永遠陪伴孩子，這一份無奈讓她期望子女能活出自己生命的色彩，「一個精彩嘅人生你就一定要有經歷，而你要有呢個豐富嘅經歷，你必須要承認，同埋承擔好多嘅得不到，好多嘅求之不得。」

對子女期望不同

但是，張慧敏對兩名子女的具體期望又有點差別，她說這並不涉性別歧視，而是男女生來各有所司，兩個孩子性格亦有差別，「家姐唔係好有野心……佢好希望得到認同……佢係happy go lucky……我希望佢係做一啲佢自己話到事嘅嘢，譬如攝影。」大T就讀韓國梨花女子大學語文系，最近辦了攝影展。「我個仔其實係一個幾有志氣嘅男仔嚟嘅……我諗我對佢嘅期望就係佢可以為呢個社會做多啲。」而兒子想從事甚麼行業，張慧敏卻從未過問。

她又說：「一個女士幸唔幸福好大程度上，係睇佢遇唔遇到一個愛佢嘅男人。」然而，她認為一個男人的幸福，並不太與另一半相關，一個令他幸福的女人僅是錦上添花，這是男女天生渴求不一樣。

香港女性成就婚姻犧牲不少

既然女人事業成功亦不意味幸福，香港在職媽媽辛勞工作是否帶有無奈？談到這裡，張慧敏不禁哽咽地說：「我諗起我媽媽。」如張慧敏所言，香港女性成就婚姻犧牲不少，成就事業妥協許多，最後發覺自己很不容易，「做媽媽真係一個好偉大嘅角色。」

張慧敏稱，香港女性成就婚姻犧牲不少，成就事業妥協許多。

《在職好媽》系列三