米奇、米妮、唐老鴨今次不止在迪士尼見到！港鐵全新推出「米奇與好友 Journey with Me」期間限定活動。一家大小除了可以沿途打卡，MTR Mobile會員集齊指定電子徽章，更有機會免費換領限量版「米奇與好友」小立牌，首5,000名完成即可獲得換領資格，先到先得！想今個周末帶小朋友出發，以下一文睇清打卡地點、換領方法、主題輕鐵日期及票價。

港鐵米奇2026｜7大主題車站逐個打卡

今次「米奇與好友 Journey with Me」一次過進駐7個港鐵站，每個車站都有不同角色及全新造型，最適合一家大小來一趟「港鐵尋寶」。

每個主題站大堂均設有特色打卡位置，小朋友可以逐站「集郵」，大人亦可以順道影相。如果本身就是米奇與好友粉絲，更可以挑戰一次過集齊7站。上述七個港鐵站內將設有專屬電子徽章打卡位，更有機會憑電子徽章換領可愛禮物！想換領，即看以下詳情！

免費換限量版米奇小立牌詳情｜首5,000名先到先得

今次活動其中一個最吸引位，就是可以免費換限定小立牌。

限定小立牌共有7款，包括不同米奇與好友角色，配上港鐵經典馬賽克車站牆身背景，非常有香港特色。

電子徽章活動日期：2026年9月10日至10月23日

五大步驟即可參加？

1. 成為MTR Mobile會員
2. 前往7個指定主題港鐵站
3. 集齊7個電子徽章
4. 首5,000名完成者會於3個工作天內收到獎賞換領券
5. 憑券到指定MTR e-Store門市換領限定小立牌

小立牌共7款，以盲袋形式隨機派發，而且數量有限，先到先得、換完即止。

想一次過儲齊7款？亦可選擇參與「假日多搭賞」活動

想一次過收藏全套7款米奇與好友限定小立牌，可以參加MTR Mobile「假日多搭賞」活動。

由9月10日至10月23日指定星期六、日及公眾假期，只要用已連結MTR Mobile的同一張八達通，乘搭每程HK$10或以上的合資格港鐵車程，就會自動獲得1個印花。

集齊10個印花可換100 MTR分；完成換領後，活動期間累積最多合資格車程的首2,000名會員，更可獲：

• 全套7款限定米奇與好友小立牌*
• 專享MTR e-Store門市購物優惠 — 凡購物滿港幣$500元，即可享指定迪士尼商品85折優惠*

想參加的家長，記得先在MTR Mobile連結八達通，之後於指定日子搭港鐵即可自動儲印花。

*詳情請參閱港鐵「米奇與好友假日多搭賞」印花卡活動條款及細則

主題輕鐵首度登場｜唐老鴨＋鋼牙奇奇、大鼻帝帝陪你遊屯門

今次除了港鐵站可以打卡，「米奇與好友」主題更首度登上輕鐵。

由2026年9月19日至10月19日指定星期六、日及公眾假期，兩款限定主題輕鐵將行走「輕鐵發現號」旅遊專線。

兩款列車分別以：唐老鴨主題輕鐵以及鋼牙奇奇＋大鼻帝帝主題輕鐵為主角。對小朋友來講，今次就唔止係「搭車」，由外到內都充滿米奇與好友元素，變成一個親子打卡行程。

$68搭主題輕鐵｜仲送限定貼紙包＋MTR e-Store $50優惠券

想帶小朋友真正坐上「米奇與好友」主題輕鐵，可以購買HK$68「輕鐵旅遊證」套裝。

除了可以乘搭指定主題輕鐵一次，套裝仲包括兩份期間限定小驚喜：

    1. 免費獲贈米奇款或唐老鴨款貼紙包一份

    款式隨機派發，米奇迷可以留低收藏，小朋友亦可以用來裝飾自己的文具或隨身物品。2.

    2. MTR e-Store HK$50優惠券一張

    於MTR e-Store門市消費滿HK$100即可使用，如果打完卡想順便入手今次限定精品，就更加實用。

而「輕鐵旅遊證」當日更可以無限次乘搭其他輕鐵路線，所以不妨順便安排屯門半日遊，一張套票就可以由搭主題列車玩到周邊景點。

主題輕鐵活動詳情

• 開放日期：2026年9月19日至10月19日期間指定星期六、日及公眾假期
• 班次：下午2:15
• 售價：HK$68
• 購買地點：輕鐵兆康站4號月台
• 開售時間：下午1:00開始

每人每班次最多購買2套，而且每班數量有限，先到先得，售完即止。

如果一家大小本身就鍾意米奇、唐老鴨，加上有貼紙包及優惠券可以帶走，整個體驗就唔止係單純「搭一程車」，而係一個完整嘅期間限定親子活動。

小朋友搭主題輕鐵要買飛嗎？

家長要特別留意小朋友年齡。每位成人乘客可以免費帶一名3歲以下小童乘搭主題輕鐵，毋須額外購買「輕鐵旅遊證」；但如果小朋友已經3歲或以上，就需要另外購買一套HK$68輕鐵旅遊證。

如果一家四口出發，建議出發前先計清楚所需套票數量，亦最好提早到兆康站購買，以免心儀班次售罄。

超過100款限定精品同步登場

打完卡仍然未夠？今次港鐵 × Disney亦推出超過100款「米奇與好友 Journey with Me」限定商品。當中包括不少適合收藏或送禮的款式：

港鐵車廂造型拼砌盲盒

每個HK$138，一套共有7款，每款都配有車廂部件及米奇與好友角色公仔，更可以將不同車廂橫向拼在一起。

米奇與好友主題輕鐵模型

包括1:87輕鐵模型、合金模型及回力車，將今次活動期間真正行走的主題輕鐵縮小重現。

7款限定紀念車票套裝

MTR Mobile會員限定，一套7款售HK$568，每款均加入角色及港鐵經典馬賽克牆身元素。

另外亦有T-shirt、布袋、角色公仔、家品、文件夾及特色港鐵元素商品，大人小朋友都可以搵到適合自己的款式。

港鐵米奇2026 FAQ

Q1：港鐵米奇活動去到幾時？

「米奇與好友 Journey with Me」主題活動由2026年9月起舉行，7站電子徽章活動至10月23日。

Q2：米奇與好友在哪7個港鐵站打卡？

分別是中環、彩虹、金鐘、太子、啟德、佐敦及鑽石山站。

Q3：米奇限定小立牌需要付費嗎？

指定MTR Mobile會員完成7站電子徽章活動後，首5,000名完成者可獲獎賞換領券，免費換領一個限定小立牌，數量有限，換完即止。

Q4：主題輕鐵HK$68包括甚麼？

套裝可乘搭指定米奇與好友主題輕鐵一次，同日無限次乘搭其他輕鐵路線，更會免費獲贈米奇款或唐老鴨款貼紙包一份，以及MTR e-Store HK$50優惠券。

Q5：3歲以下小朋友要買主題輕鐵套票嗎？

每位成人可免費帶同一名3歲以下小童；3歲或以上小朋友需要另外購買套票。